واحد كسول جداً راح للحلاق وجلس على الكرسي منزل راسه .....قال له الحلاق :شعر ولا دقن ...قال الكسول: دقن ...قال له الحلاق: ارفع راسك.... قال الكسول :خلاص خليها شعر.

واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!
  
مره 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
 
واحد أخنف حظه وحش قوي
وقع في حفره
وفِضل مستني لغاية ما واحد جِه
وعلى حظه كان أخنف برضه
الأخنف اللي فوق قال... استنى شوية... حاطنّنعك دنوأتي
قاله نببنا يخننيك بسنعة...
قال له  الأخنف اللي فوق: وكمان بتتنيأ ؟؟؟
طب شوف مين حيطننعكّ
 
مرة اثنين عندهم كلاب صيد
صاحب الكلب الأول أول ما يضرب طلقة من البندقية
يجرى الكلب ويروح يجيب الفريسة
والثاني أول ما يضرب الطلقة كلبه يكّش
فنصحة صاحبة إنه يروح أفراح في الأرياف، فالكلب هيتعود على صوت الرصاص
راح الأرياف وفِضل يحضر في أفراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرط
 
واحد كسلان إتحكم عليه بالإعدام بدفنه في حفرة
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع
 
عيلين صغيرين ماشيين
في الشارع لِقيوا قطة فالأول قال للتاني انا هاخد القطة دي أربيها
التاني قالوه ماينفعش كدة تجيبلك أمراض اغسلها الاول
تاني يوم جه الولد بيعيط
وبيقول لصاحبه القطة ماتت وإنت السبب إنت الي قلتلي اغسلها
صاحبه قاله ماتت وإنت بتغسلها
قالة لا ماتت والغسالة بتعصرها